En détail

Dës Formatioun riicht sech un all interesséiert Persounen aus dem formalen an non-formale Bildungsberäich, déi Babysitterformatioune fir Jonker ubidden a gläichzäiteg aktiv als lokale Partner op der Internetplattform „Babysitting.lu“ matschaffe wëllen.

Wärend 7 Stonne gëtt een Abléck an d´Planung, d´Ëmsetzung an d´Evaluatioun vun enger Babysitterformatioun fir Jonker tëschent 15 an 29 Joer vermëttelt. Nieft engem theoreteschen Input ginn divers Methoden a praktesch Übunge präsentéiert fir eng Babyitterformatioun léierräich an interaktiv ze gestalten.

Dës Formatioun fir Formateuren enthält folgend Moduler:

  • Planung an Organisatioun vun enger Babysitterformatioun
  • Begréissung an Intro an d´Formatioun
  • Rechter a Flichte vun engem Babysitter
  • Verbal a non-verbal Kommunikatioun mat Kanner an Elteren
  • Abléck an d´Éischt Hëllef, Kannerkrankheeten a Preventioun
  • Entwécklung an de verschidden Alterskategorien
  • D´Gestaltung vum prakteschen Deel (Hygiène, Iessen, Spillen, Bastelen, Schlofen)
  • Feedback- an Evaluatiounsmethoden
  • Zesummestelle vun enger Materiallëscht
  • Internetplattform „Babysitting.lu“

Uschléissend un d´Formatioun gëtt de Participanten eng Bildungsdokumentatioun zesumme mat de Methoden an den entspriechende Virlagen zur Verfügung gestallt.

Formateurs

Nathalie Schmitz